ನಿನ್ನ ನೆನಪಿನ ಮಳೆಯಲಿ

ಯಾರ ನೋವಿಗೆ ಯಾರು ಹೊಣೆಯೋ

ಯಾರ ಭಾವನೆಗೆ ಯಾರ ಸ್ಪಂದನೆಯೋ

ಹುಚ್ಚು ಮನಸ್ಸಿನ ನೂರು ಕಲ್ಪನೆಯೋ

ಅರಿಯದೆ ಹುಟ್ಟಿತು ಪ್ರೀತಿಯೊಂದು ಮಾಯೆಯೋ

ನನ್ನ ಭಾವನೆಗೆ ಜವಾಬ್ದಾರಳು ನಾನಲ್ಲ

ಮುಂದರಿಯದೆ ತಪ್ಪು ಮಾಡಿದೆ ಅದು ನನ್ನದಲ್ಲ

ಯಾಕೆಂಬ ಪ್ರಶ್ನೆ ಕಾಡುತಿದೆ ಬಹು ದಿನಗಳಿಂದ

ಉತ್ತರಿಸಲು ಉಸಿರಿಲ್ಲ ಹೊರಡದು ಸ್ವರ ನನ್ನಿಂದ

ಪ್ರೀತಿ ಕುರುಡು ಅನ್ನೋ ಮಾತು ನಿಜವಾಯಿತು

ನೋವು ಶಾಶ್ವತ ಅನ್ನೋ ನುಡಿ ಸಹಜವಾಯಿತು

ಉಕ್ಕಿ ಬರುವ ದುಃಖಕೆ ತಡೆಯೊಂದು ತರದೆ ಹೋದೆ

ಕಣ್ಣಿಂದ ಉದುರುವ ಮುತ್ತುಗಳ ಬೆಲೆ ಕಟ್ಟಲಾದೆ

ಬೇಯುವ ಬಯಕೆಗಳಿಗೆ ತಣ್ಣೀರು ಎರೆಚಿ ಹೋದೆ ನೀನು

            ಜೀವನವಿಡೀ ನಿನ್ನ ನೆನಪಿನ ಮಳೆಯಲಿ ತೋಯುವೆ ನಾನು