ನಿನ್ನ ನೆನಪು

ಮುಸುಕಿನ ಮಬ್ಬನು ತೆರೆಯುವ ವೇಳೆಯಲಿ

ಮಾಘ ಮಾಸದ ಕೊರೆಯುವ  ಚಳಿಯಲಿ

ಇಬ್ಬನಿಯ ಹನಿಯು ತೊಟ್ಟಿಕ್ಕುವ ಸಮಯದಲಿ

ನಿನ್ನ ನೆನೆಯುವೆ ಸಂಕೋಚದಿ ಮನದಲಿ

ಸೂರ್ಯ ರಶ್ಮಿಯ ಕಾಣುವೆ ತವಕದಲಿ

ಹಕ್ಕಿಗಳ ಕಲರವವ ಕೇಳುವೆ ಇಂಪಿನಲಿ

ಜಿನುಗುವ ಮಳೆಯ ಚಿಟಪಟ ಸದ್ದಿನಲಿ

ಹುಡುಕುವೆ ನಿನ್ನ ಹನಿಗಳ ಪ್ರತಿ ಸಾಲಿನಲಿ

ದೂರದಿ ಕಾಣುವ ಬೆಟ್ಟಗಳ ದಟ್ತತೆಯಲಿ

ಹೊಮ್ಮರಗಳ ಹಸುರಿನ ಬೆಡಗಿನ ಬಿನ್ನಾನದಲಿ

ಬೀಸಿ ಕರೆಯುವ ತಂಗಾಳಿಯ ತೋಳಿನಲಿ

ಬಯಸಿದೆ ನಿನ್ನ ಪ್ರೀತಿಯ ಸವಿಯ ಹೃದಯದಲಿ