ಸಂಗಾತಿ

ನಿನ್ನ ಬಾಳ ಸಂಗಾತಿಯಾದೆನು ಇಂದು
ಮರೆತು ಹೋದೆನು ನಿನ್ನೆಯ ದಿನಗಳನ್ನು

ನಗುತ ನಲಿವ ನವ ಬಾಳಿನ ಹೊಸ ಹಾದಿಯಲಿ
ಜೊತೆ ಬಂದೆ ನೀನಿಂದು ನನ್ನೊಡಲ ಗುಡಿಸಲಿಗೆ

ಕಾಯುವೆ ನಿನ್ನ ಕಣ್ಣ ರೆಪ್ಪೆಯಂತೆ ಪ್ರತಿ ಕ್ಷಣವೂ
ಪ್ರೀತಿಸುವೆ ನಿನ್ನೆ ಎಲ್ಲದಕ್ಕೂ   ಮಿಗಿಲಾಗಿ 

ಪ್ರತಿ ಮಾತಾಡೆನು ನಿನ್ನ ಹಿತ ನುಡಿಗಳಿಗೆ
ಕೇಳುವ ತವಕ ನನ್ನಲ್ಲಿದೆ ಹುಸಿಯಾದರೂ ಸರಿಯೆ

ನಡೆಯುವೆ  ನೀನಿಟ್ಟ  ಹೆಜ್ಜೆಗಳ ಮೇಲೆ ಇಟ್ಟು ನಾ ಪ್ರತಿ ಹೆಜ್ಜೆ 
ಸೋಕುವ ಮಣ್ಣ ಮೆದುವಲಿ  ನಿನ್ನ  ಸ್ಪರ್ಶವೇ ಇರಲಿ

ಗಗನ ಚುಂಬಿಸುವ ಆರ್ಭಟ ನಿನ್ನ ನಗುವು
ಹಿತವಾದ ಮೃದಂಗ ಮೀಟಿದ ಅನುಭವ

ಸೋಲೇ ಇರಲಿ ಗೆಲುವೆ ಬರಲಿ, ನೋವೆ ಇರಲಿ ನಲಿವೆ ಬರಲಿ
ಕಳೆಯುವೆನು ಸಾವಿರ ಯುಗಗಳನು ನಿನ್ನೊಂದಿಗೆ ಹೀಗೆ